طريقة طبيعية لازالة السواد حول الفم  ,  اسرع علاج السواد حول الفم بالاعشاب  ,  ماسك للسواد حول الفم
طرق ونصايح سريعة للتخلص من السواد حول الفم نهائيا
1- لما تخرجي في الشمس استعملي واقي شمس بدرجة مناسبة وادهنية في المنطقة
ديه عشان ما تسمرش تاني او يتغير لونها مع التعرض للشمس.
وممكن كمان تستعملي مرطب للشفاه او بلسم الشفه يكون بمعامل حماية من الشمس عشان الشفايف لونها ما يتغيرش هي كمان

2- ممنوع استعمال بعض الوصفات العجيبة اللي بشوفها زي الفازلين والفكس
والا الفازلين والكركم
لان الفازلين ده من الاسباب اللي بتسمر المكان عند بعض الناس
وكمان الليمون ممنوع يستعمل
و الكريمات المعطرة بوجه عام ممنوعة تستعملي هي كمان خاصة لو خارجة بره وهتعرضي برضه لشمس زي ما قلت فوق.

3- بلاش الروج المقلد و مستحضرات  التجميل الرخيصة ومجهولة المصدر لانها بجد ضرها اكبر بكتير قوي
من نفعها ده ان وجد لها نفع اصلا
و حاجة واحدة غالية افضل من عشرة رخيصة
ماسكات ازالة السواد حول الفم 
طريقة علاج سواد حول الفم طبيعيا
 الانتظام علي ماسكين اتنين فقط هتعمليهم بالتبادل اسبوعيا
يعني في الاسبوع مرتين ماسكات مرة من الماسك الاول ومرة من الماسك التاني.

الماسك الاول
عبارة عن عسل النحل الصافي مضاف له شوية زبادي وتدهني بيه المنطقة من تحت الفم لحد
الدقن ولما ينشف تشطفيه كويس جدا بالميه بس من غير صابون عطري او اي شيء.

الماسك التاني:
عبارة عن النشا العادي بتاع المطبخ ده مضاف اليه ميه ورد(هي المفضلة طبعا وكل ماكانت طبيعية كل ماكانت النتيجة افضل)
او ميه عادية ولكن مغلية وتسيبها تبرد وتخلطيهم كويس جدا لحد ما يبقوا عجينة متماسكة وبنفس الطريقة افرديه ولما ينشف قشريه من علي المنطقة واشطفي بالميه بس.
 
 لأى سؤال او معلومة عايزين تعرفوها  بخصوص الموضوع اتركوا سؤالكم فى تعليق واحنا هيسعدنا الاجابة عليكم بأقصى سرعة موقع عالم ستات وبنات

10 تعليقات

  1. غير معرف21 يونيو 2013 في 6:09 م

    نفسى بجد اتخلص من الهلات السوداء والبقع الداكنة والاسوداد حول الفم بأسهل طريقة ممكنة لو سمحتم نفسى اتخلص منهم قبل ما الاجازة تخلص لأني داخلة على مرحلة جديدة من حياتى بليييييييييييييييييييييييز عايزة الرد بسرعة

    ردحذف
  2. asma ellabidy22 يوليو 2013 في 12:31 ص

    حبيبتى جبت لك وصفات سهلة بالشرح والصور وهتلاقى طريقة التخلص من الهالات السوداء بالصور فى الرابط التالى
    http://setatwebanat.blogspot.com/2012/08/blog-post_6808.html

    اما بالنسبة لازالة البقع الداكنة فهتلاقى الطريقة بالكامل فى الرابط التالى
    http://setatwebanat.blogspot.com/2012/12/blog-post_26.html

    طريقة ازالة السواد حول الفم هتلاقى الطريقة بالشرح فى الرابط التالى
    http://setatwebanat.blogspot.com/2013/01/blog-post_3486.html

    ردحذف
  3. غير معرف19 أكتوبر 2013 في 6:48 م

    وسمار الشفايف شو حله

    ردحذف
  4. غير معرف18 نوفمبر 2013 في 4:17 م

    من تحت عيني مقعر هل هناك حل

    ردحذف
  5. asma ellabidy19 نوفمبر 2013 في 5:25 م

    ممكن علاج العين المقعر بحقن الفيلر اسفل منطقة العيون

    ردحذف
  6. غير معرف21 يناير 2014 في 4:20 م

    حول فمى اسود وفى جانب منه نقطه سوداء
    حول عينى سواد ماالحل ساعدونى ارجوكم

    ردحذف
  7. asma ellabidy21 يناير 2014 في 4:26 م

    حبيبتى بالنسبة لمشكلة اسمرار المنطقة حول الفم فممكن تعملى النصائح والوصفات المكتوبة بالاعلى هتكون مفيدة جداااا ليكى اما بالنسبة للهالات والسواد حول العين فادخلى على الرابط التالى هتلاقى وصفات حلوة سهلة ومفيده
    http://setatwebanatworld.blogspot.com/2013/08/blog-post_9699.html

    ردحذف
  8. غير معرف5 فبراير 2014 في 11:37 ص

    هل استطيع اعمل الماسك الاول كل يوم حتى يخف

    ردحذف
  9. asma ellabidy6 فبراير 2014 في 12:46 ص

    لاء طبعا ماينفعش ترهقى بشرتك بماسك كل يوم الافضل تعمليه مرتين فى الاسبوع

    ردحذف
  10. غير معرف22 مارس 2015 في 10:22 م

    طيب بجد الماسكات دي ليها نفس مفعول الليزر ؟ عشان انا سمعت من دكتور ان الموضوع ده ملهوش حل غير بالليزر !
    الكلام ده حقيقي ؟ عشان انا عندي الاسمرار ده من وانا طفلة واستخدمت حاجات كتير من غير نتيجة .. بجد ليها علاج غير الليزر؟؟

    ردحذف

إرسال تعليق

أحدث أقدم